சிறு குழந்தை

சிறு குழந்தை
கரிய இருள்
கண் திறக்காத நிலை
அன்னையை எங்கோ
இருப்பதாய் முகர்வில்
தேடி அழும்
கை கால் பரவும்
இதற்கிடையில்
ஏதேனும் கவனம் ஈர்க்கும்
சிரிக்கும்
சலிக்கும்
மீண்டும் அழும்
எங்கோ இங்குதான்
அவள் இருக்கிறாள்
என எண்ணி
தான் கிடக்கும் விரிப்பின்
நுனியையே எடுத்துப் பற்றும்
இல்லையென உணர்ந்ததும்
வீறிடும்
பீதியில் கழியும்
விதி வழி படரும்
விரல் வழி ஒழுகும் எச்சில்
என் நிலை
என்றைக்குமாய்
இப்படியே இருப்பது
அழகா உனக்கு
அன்னையே! 

***