அறியாக் குழந்தை

குழந்தை அறியாது 

தனக்குக் கெடுதலையும் 

உற்சாகமாகப் போய் மேல்விழும்; 

பைத்தியம் தன் நிலையில் இருக்காது 

என்ன செய்கிறோம் என்று அறியாது 

ஏதோ செய்து ஏளனத்திற்கு இலக்காகும்; 

குடிகாரர் தம் துன்பம் தீர என்று 

ஏதோ உண்டு தம் பெருமை அழிவார்; 

நோயாளி தான் உணர்ந்தாலும் 

பலஹீனத்தால் பயனற்ற நிலையில் இருப்பார்; 

கட்டப்பட்டவர் தம் ஆற்றல் வீணாக 

விடுதலை இன்றி மனம் நோவார்; 

இவை ஓரொன்றுமே கொடுமை தாயே! 

இவை அத்தனையும் கலந்த நிலை என் நிலை; 

நீ அருள் செய்தால்
நீ அருள் செய்தால் மட்டுமே
வாழ்வு உண்டு கருணை செய் அம்மா!

***