கனிந்தருள்வாள் காளீ

கனிந்தருள்வாள் காளி கலந்துள்ளம் அன்பால்
தினம்பாடி நாம்தொழுவோம் தாள்கள் - குணம்நாடிக்
குற்றம் விலக்கிக் குலசக்தி தாளிணையே
சுற்றமெனக் கொள்வோம் நனி. 

* 
துவந்துவங்கள் என்னைத் தொடராமல் காப்பாள்
பவம்தீர்ப்பாள் பக்தி தருவாள் - திவம்தந்து
மன்னுயிரைப் பொன்னுயிராய் மீட்டே மரணமெனும்
சென்மநோய் தீர்க்கும் மருந்து. 

* 
தானுக்குள் தானிருப்பாள் தாயவளே நற்புகலாம்
வானிலும் மண்ணிலும் காப்பு. 

* 
அறிவு போல் தோன்றும் அறியாமை
அம்ம அம்ம ...
கொடிதிலும் கொடிது.
நாணமே மிஞ்சுகிறது என்னுள். 

* 
இசைந்து பிரபஞ்சம் ஈன்றாள் இயன்ற
நசையால் நமக்காக வென்று. 

***