நீ வீட்டில் இருக்கிறாய்
ஆனால் வீடு உன்னுடன் பேசாது
உன்னைப் பற்றி அதற்குத் தெரியாது
வீடு என்னிடம் பேசும்
நான் கொத்தனார்
விளக்கு எரிகிறது
நீ வேலை பார்க்கிறாய்
நீ வாங்கிப் போட்ட விளக்கு
ஏற்றுவாய் அணைப்பாய்
ஆனால் விளக்கு உன்னுடன் பேசாது
உன்னைப் பற்றி அதற்கு ஒன்றும் தெரியாது
விளக்கு என்னிடம் பேசும்
நான் எலக்ட்ரீஷியன்
உயிர் இருக்கிறது
நீ வாழ்கிறாய்
நீ பிறந்து வளர்ந்த வாழ்வு
மூச்சினை இழுத்து மூச்சினை விட்டு
முழுநேரம் இயங்கும் உயிர் உன்னுள்ளே
ஆனால் உயிர் உன்னுடன் பேசாது
நீ இருக்கிறாய் என்றே அதற்குத் தெரியாது
உயிர் என்னிடம் பேசும்
நான் ....
***
No comments:
Post a Comment