துணையைத் தேடித் துணைக்குள்
ஒரு துணிபைத் தேடித்
தொடர்ந்த பந்தத்தில்
ஒரு தொடரைத் தேடித்
தான் பெற்றது தானாய்
ஒரு தன்மயம் தேடித்
தன்மயமாய் ஓர் உலகை ஆக்கத் தவித்துத்
தன்பேர் சொல்லக் கால்வழிக்குக் கைசலித்துத்
தனியேகும் வழியில்
தன்னில் வேறாய்த் தான் தனியாய்
நின்றதொரு தோழமையில்
தன் கணக்கும்
தனை மருவும் ஐங்கணக்கும்
அற்றுவிழும் அமைதியில்
அகமுறுவல் பூக்கும்
அற்புதத்து அன்பில் அளவளாவி
அண்டத்தை அங்கைக்குள்
உருட்டி ஒரு கோலியாக்கிக்
கட்டை விரல் மண்ணில் கால்பாய
நடுவிரல் விக்கிரமத்தில் நிவந்து
நேர்க்குத்தாய் வளைத்தெறிய நில்லாதோடித்
தொலையெட்டி நின்ற காலம்
உருண்டுவரப் பின்னோடித்
தொடர்கின்ற துணையாகத்
தோழமையின் அடிவைப்பு.
***
No comments:
Post a Comment