ஆழநெடுங் கடலன்ன அகண்டநதி
அமேசான் பல்லாயிர காவதம் நீளும்
வற்றி உலர்ந்த காலத்தும்
படகுகள் போகும்
பன்னூறு காவதம் உள்ளும்
மழை பொழிந்து பனிமலை பொடிந்து
பெருகு வெள்ளம் விழைகான் பரப்போ
உருவினில் ஓர் சிறு கண்டமது ஒக்கும்.
வேட்டை அயர்ந்திடும் உயிர்தமை
வேட்டை அயர்ந்திடும் உயிர்தமை
வேட்டை அயர்ந்திடும் உயிராய்
ஆட்டையுருளும் காலம்
மீன்செதில் உருட்டி
மரக்கிளை உதிர்க்கும்
கனிபடு விதையில்
களிபடு மீனின் கடைவாய்க் குதப்பி
வெளிப்படுபவையோ
காலக்கரமாய் வான் தொடு
மரமென மீளும்
அமேசான்
காலத்தின்
உள்பாவாடையாய்க் கழட்டி
புதியது அணியும்
முதுமை அறியாக் கன்னியாய்
முதுநீர்ப் பௌவ முயக்கம்.
*
No comments:
Post a Comment