தீ ஆவளி

ஆதி உலகிடை ஆர்ந்தெழுந்த தீ
ஆதவர்க்கிடைக் காயந்தழன்ற தீ
கூதிர்கம்பனம் போக்கவந்த தீ
கோதிலாவகை ஆக்க வந்த தீ
நாதியுற்றிட முன்னடந்த தீ
நியதியுற்றிடப் பின்சுடர்ந்த தீ
வேதியல்விதி விரிவடைந்த தீ
ஓதுவாய்மையின் உள்ளமர்ந்த தீ
தீதிலாவகைத் திறலெழுந்த தீ
தாதுலாவகைத் தடையழித்த தீ
காதுலாக் கயல் விழியுமிழ்ந்த தீ
போதுலாக் கதிர் புலர்ந்துவந்த தீ
மீதுலாம் அலை குழைந்துவந்த தீ
வாதுலாம் நெறி விளங்கவந்த தீ
மாதுலாம் சடை ஆடவந்த தீ
மோதுமைம்புலன் சாம்பரான தீ
மீதுறாவகை மனமடங்கு தீ
பேதுறாவகைப் புலன்விளங்கு தீ
சேதமைத்து செல் சரம்துரந்த தீ
சூதமைத்தபுன் கூட்டழித்த தீ
ஊதுகின்றதோர் குழல்படர்ந்த தீ
ஓதுகின்றதோர் மெய்யடர்ந்த தீ
மாதமர்ந்ததோர் மலர்பழித்த தீ
ஊதைக் காற்றினில் உள்குமைந்த தீ
பேதைக் கோவியர் பிரிவடர்ந்த தீ
தீதிலா நெறித் தீப ஆவளித் தீ தீ தீ 

***