பேதைமை

எதிர்காலத்தில் என்னைத் தேடிக்
கண்டடைய வேண்டிய நான்
பழங்காலத்தில் புதையுண்டு விட்டதாய்ச்
சொல்லிவந்த சுவடிகள் பல்லிளித்தன
பழங்காலத்தில் தேடி இல்லை என்று
அறுதியிட்ட நான்
நிகழ்கணக் குன்றின் மேல் நின்று நோக்குங்கால்
வருங்கால வியன் நிலத்தின் கண்
கலங்கரை விளக்காய் எனக்கு நானே நிற்குங்கால்
புலரியில் பிதிரும் புன்னிருட்டாய்ப்
பேதைமை தோற்றின ஆங்கண். 

***